|
 |
|
Rothis world |
|
|
|
|
|
|
|
|
... des wor da juli |
|
|
|
|
|
|
|
|
|
|
|
19. JULI 2009
GROSSGLOCKNER-BERGLAUF
Zum 10. Glocknerlauf - a Jubiläum, dos is wieder wos für an Familienstart. Vurbereitung is zwor nit ideal – Tina suacht an neign Job und mi plogt und tratzt de Achilles und de linke Ferschn schon etlane Wochen. Oba amol im Kopf und de Vorfreid dazua – da muass man durch (obs gscheit is – wer was?).
Eingnistet sind ma im Hotel Glocknerhof (Heide Pichler) - da beste Griff, riesiges Zimmer mit ollen Pi Pa Po – und erst dos Essen, de Kuchl verdient Zipfelmutzen und Haubn , jo a gonze Faust voll. Dos Personal – wia gsogt, anfoch Top of Austria.
Wetter am Sonntog passt – a bissl frisch, am Start blauer Himmel – Glocknergipfel von Wolken umhüllt. Tina und I – starten im zweiten Block (a Glick fürn bläck Män aus Kenia und Jonathan Wyatt – de Gefohr dass ma de zwa do oben einholen hot sich somit in Wohlgefallen aufgelöst!!!!!!!!). Noch dem ersten Mörderhügel – ca. 400 hm und 4 km werds leicht gatschig, wassrig und nit leicht zan Laafn. Bein Übaholen monchmal knöcheltieaf in aner Pfützn und de Potschen braunschworz vaschmiert. Holb so schlimm – fünf Minuten später springst e wieda in a glosklore Wossalockn und de Salomon Trailmaster oder de Zoot-Speedmurder Patschalan san wiede voller forbenprocht. Mittelteil, umman Gletscherteich – do is Mountainrace-Feeling pur und danoch kummt donn de extraordinäre, nit grod übahängende Wond.
800 Meter long – 250 Höhenmeter – da Zielhügel (95% kennan nur mehr steigen) – donn noch 150 Meter eben und de meisten mit letzter Kroft ( da ane und ondere mit leicht krampfige Füaßlan) - eine durch den Uniqua Zielbogen. Begleitet von unzähligen Fans, da Glockner und da Johannisberg klatschen und de Murmalan pfeifen a Gstanzl. Und I – i pfeif a, oba aus dem letzten Loch.
Tini wird 10 in ihrer Altersklass – war echt gut drauf und hot ihrem Gatten 1 ½ Minuten „abgenommen“ – Weg Richtung Jungfaumarathon passt. Hucky wird 11 in seiner Altherren Partie – jetzt amol 2-3 Wochen Laufkarenz – donn schau ma ob de „Jungfrau“ geht – oda ob in da Schweiz nur die Gattin gecoacht und betreut wird.
Gfeiert hobn ma – wia am Glockner üblich – gscheit und fest.
Und seit Montag gibt’s noch an grund zum Feiern: Tina hat ob 1. September wieder an SpitzenJob - Cocci, Shaki und Hucky gfreien sich riesig – bist jo unser Schotz!
WEITARE BÜLDA... FINDEST UNTER "BÜLDA".
|
|
|
|
|
|
|
|
|
Zeit wird's |
|
|
|
|
|
|
|
|
Spruch da Wochn |
|
|
|
|
|
| |
"Gehe deinen Weg, wenn jemand mitgehen will, nimm ihn mit. Aber warte nicht auf ihn, ändere deine Richtung nicht und wenn er nicht mitkommt, dreh dich nicht um. Es lohnt sich nicht, du wirst auf dem Weg jemand anders treffen - der ihn gerne mit dir geht." |
|
|
|
Insgesomt hobn schon soviele 87098 Besucher eine gschaut! |
